Hauptinhalt
AVIS
Da jenà dl 2013 inant gnarà i ejams de un n lingaz fać aladô dl ajornamënt di criters por la valutaziun y l’azertamënt dla conescënza di lingac talian y todësch, aladô dl art. 3 dl D.P.R. di 26.07.1976, n. 752 y mudaziuns suandëntes.
Tla proa scrita te un n lingaz ciafarà i candidać y les candidates tesć nüs che s’orientëia al Cheder coletif europeich de referimënt por i lingac. Por vigni livel gnaràl publiché n valgügn ejëmpli.
I tesć y i ejams di livì A y B é desvalis, sciöche preodü dal art. 3, coma 9-bis dl D.P.R. n. 752/76. Canche I se scriëis ite mëssëise dè dant la cariera por chëra che I damanëis le reconescimënt dl zertificat linguistich. L’ejam te un n lingaz po ma gnì fat por la cariera a chëra che le zertificat se referësc.
La proa scrita te un n lingaz nöia é metüda adöm da: n ressümé de n test, la resposta a na domanda sön le test y na tuta de posiziun sön l’argomënt dl test. I candidać y les candidates mëss respogne cun frases intieres dal punt de odüda sintatich y tl medemo lingaz dl test.
Por le livel D él preodü n multiple-choice-test sciöche proa de comprenjiun.
La proa a usc te un n lingaz é na conversaziun olache i candidać y les candidates desmostra sües capazitês comunicatives sön argomënć profescionai o da vigni dé.
A-Ejam de parificaziun | B-Ejam de parificaziun | C-Ejam de parificaziun | D-Ejam de parificaziun
L'ejam de bi- y trilinguism
L'ejam de bi- y trilinguism
L'ejam de trilinguism: L’ejam de trilinguism é metü adöm dal ejam de talian, todësch y ladin. Por fà l’ejam de trilinguism mësson se scrì ite sides al ejam de talian y todësch che al ejam de ladin. L’ejam de talian y todësch y l’ejam de ladin vëgn tignis te dis desvalis y à tëmps d’aspeta desvalis.
L'ejam de bilinguism: L’ejam de bilinguism é metü adöm dal ejam de talian y todësch.
Clicca qui per maggiori informazioni / Weitere Informationen
Livel A
Se referësc ai livì funzionai, por chi che al é normalmënter preodü le diplom de laurea (limit minim d’eté: 17 agn).
Livel B
Se referësc ai livì funzionai, por chi che al é normalmënter preodü le diplom d'istitut d'istruziun secundar de secundo degré (limit minim d’eté: 17 agn).
Livel C
Se referësc ai livì funzionai, por chi che al é normalmënter preodü le diplom d'istitut d'istruziun secundar de pröm degré (limit minim d’eté: 14 agn).
Livel D
Se referësc ai livì funzionai, por chi che al é normalmënter preodü la lizënza de scora elementara (limit minim d’eté: 14 agn).
Atestat A zënza ejams suraprò
N’alternativa al ejam tradizional por le livel A é avëi n diplom de maturité te un n lingaz y la laurea te n ater.
Reconescimënt de zertificać linguistics
Aladô dla normativa nöia vëgn certi diploms linguistics internazionai conscidrà ecuipolënć.