Formaziun y inovaziun

I momënc de formaziun nes dá la poscibilité da s'avijiné a tematiches nöies, aprofondí problematiches emergëntes, spartí aspec metodologics y didatics, mo dantadöt él le momënt ideal por porvé fora les competënzes pedagogiches y didatiches y les renforzé.

Le Sorvisc organisëia evënc y cursc de formaziun ti ciamps de süa competënza:

  • dejabilité y desturbs dl aprendimënt
  • desvalianza culturala
  • de burtes situaziuns, crises y conflic

L’ajornamënt s'adressëia dantadöt al personal dirigënt, insegnant y pedagogich.
Les ativités formatives vëgn coiüdes adöm tl catalogh di cursc de formaziun.
Les iscriziuns vëgn gestides dal Sorvisc de formaziun dl Zënter de competënza Inclujion y Consulënza tres le program Excursus.

Le Zënter de competënza promöi proiec y inrescides ti ciamps de  süa competënza (dejabilité, inclujiun, dificoltés d'aprendimënt, y i.i.) cun l’obietif da se daurí ala reflesciun y dé respostes ales desfidades nöies, porté savëi nü, y dantadöt competënzes didatiches, soziales y relazionales nöies.

I proiec y les inrescides da sëgn:

  • Deboriada: Continuité danter scolina y scora elementara
    Referënta: Carla Comploj
  • Homework
    Referënta: Carla Comploj
  • Acuisiziun linguistica di mituns y dles mitans cun n background de migraziun che frecuentëia na scora plurilinguala dles valades ladines
    Referënta: Olimpia Rasom

I laurun tla rëi por garantí da arjunjé le miú che ara vais.
Le Zënter de competënza á porté pro a cherié na rëi ampla de colaboraziun cun tröpes istituziuns y assoziaziuns por garantí n sostëgn cualifiché.