Inclujiun y consulënza

Le team Zënter de competënza Inclujiun y Consulënza laora por na scora inclusiva. Nosc laur é pité na consulënza avisa y adatada a döt le personal dla scolina y dla scora y ai geniturs y atué strategies por sostigní les scolines, les scores de vigni ordin y degré y les families. I se cruziun de handicap y dificoltés d'aprendimënt, bojëgns educatifs speziai (BES), mitans y mituns cun n background de migraziun y cun esperiënzes particolares, sciöche ince de conflic y situaziuns de crisa. Implü ti pitunse al personal dirigënt y insegnant cursc de formaziun sön chisc temesc.

  • planificaziun y atuaziun de mosöres y proiec por la promoziun dla sanité tles scolines y dles scores;
  • planificaziun y atuaziun di proiec tl cheder dl’educaziun ala mobilité.
  • sostëgn ales scolines y ales scores sön le svilup scolastich, svilup organisatif y acompagnamënt di teams scolastics;
  • suravijiun dl personal dirigënt y di teams scolastics dla scolina y dles scores;
  • coaching al personal dirigënt, coordinadësses y cordinadus dles scores y scolines.
  • elaboraziun di proiec tl cheder dl’educaziun interculturala y dla promoziun di lingac;
  • promoziun dl’educaziun interculturala tres proiec spezifics;
  • consulënza por le personal dirigënt, pedagogich y insegnant dles scolines y dles scores sön le dovëi formatif y scolastich dles mitans y di mituns y dles scolares y di scolars cun n background de migraziun;
  • laur de rëi a livel provinzial;
  • stüdi y inrescides sön la migraziun;
  • programaziun y atuaziun di proiec tl cheder dl’educaziun ala zitadinanza europeica;
  • svilup y atuaziun di proiec a livel europeich.

Inclujiun: Ci fajunse pa?

Bojëgns educatifs speziai: De ci bojëgns baiunse pa?

De burtes situaziuns, crises y conflic

Inclujiun dla desvalianza culturala

Formaziun y inovaziun