La promoziun dla sanité scomëncia pro se instësc

Les porsones che laora tl ciamp sozio-educatif, por chëres che la cossa plü importanta é daidé d’atres porsones, é caraterisades dala pücia atenziun devers se instësses y porchël éres sotmetüdes al risch da borjé massa tröpes energies y da ne ti ester nia plü. Por ester bones da fá a na moda che ara ti vais bun ales atres porsones tochera dantadöt da lauré sön sües forzes por ci che reverda l’engajamënt profescional, la resiliënza y les emoziuns.

Impulsc por ponsé do: Ciaré dla sanité dl personal insegnant – renforzé les scores

Analisa dles condiziuns de laur tla scora y dl sforz personal cun l’aiüt dl inventar IEGL (Inventar zur Erfassung der Gesundheitsressourcen im Lehrerberuf). Le program “Denkanstöße” de Schaarschmidt&Fischer é lié ala consulënza y mirëia a invié ia n prozes de mudaziun meton tl zënter les ressurses dla scora instëssa. Renforzé les scores ciaran da promöie la sanité dl personal é le fin de chësc program.