Renforzamënt dles competënzes vitales

La fondamënta de vigni program de promoziun dla sanité é la conscideraziun dla complessité dla porsona instëssa y dl ambiënt te chël che ara vir. Le conzet dla salutoghenesa de A. Antonovsky nes deviëia l’edl demez dala maratia devers di criters positifs che fej fora la sanité sciöche n tesur da chirí vigni de. Renforzan les competënzes vitales te dötes les dimensciuns dla vita é la porsona plü saurí bona da capí, da interagí y da ti dé n sëns a ci che sozed. Tla Cherta de Ottawa sön la Promoziun dla sanité (1986) pón lí che “la sanité vëgn cheriada y vita dales porsones te so ambiënt da vigni de, olache ares soga, impara, laora y ó bun.” Competënzes vitales stersces y ecuilibrades é la miú prevenziun cuntra risć y prighi.

„Wetterfest/Cuntra vigni tëmp“ (na mapa de laur)

Na mapa de laur por renforzé les competënzes vitales sciöche basa de prevenziun da dependënza, de violënza y suizid aladô dles indicaziuns provinziales ti ciamps dla formaziun dles emoziuns y dla promoziun de sanité. N aprofondimënt spezifich por la scora mesana y alta é gnü elaboré dl 2018 dala Direziun de formaziun todëscia.

Educaziun soziala, svilup dla personalité, esperiënza de se

Planificaziun y acompagnamënt de iniziatives y proiec adatá a costruí deboriada ativamënter ambiënc soziai do criters de bona sanité.

Bal popolar fej bun ... y smöi dal ciorvel cina ai pisc

Balé n’é nia ma movimënt mo na ert trasversala che porta a efec che fej morvëies tl portamënt personal, tl vire y capí les tradiziuns, tl tlima dla classa y tan d’ater.

N bun tlima te classa (Sorvisc ai jogn Val Badia)

Por insigné i contignüs dles desvalies materies é le tlima y l’atmosfera te classa de gran importanza y porchël vëgnel sostigní chësta iniziativa dl Sorvisc ai Jogn.

Pröm aiüt: formaziun y ajornamënt