Comunicac dl ofize stampa

Teßmann, cuarta ediziun de "1/2 Mittag" ai 7 de setëmber

Ai 7 de setëmber vëgnel metü a jí tla curt de letöra dla biblioteca provinziala Teßmann la linia de manifestaziuns leterares 1/2 Mittag.

Les auturies y i auturs dla cuarta ediziun de Halbmittag

Pro la cuarta ediziun de Halbmittag s'incunta auturies y auturs dl Südtirol y dl raiun incëria. Halbmittag ó mostré sö trëi iadi domisdé y tratan n'incuntada speziala, ci che al vëgn scrit y ponsé tl vest, tl nord, tl ost y tl Südtirol. Deperpo che al n‘é nia tan important pro la leteratöra da olache ara vëgn, él injuntes tematiches aladô dla direziun, che vëgn tutes sö dai moderadus.

Le iade leterar mët man tl vest y se dá jö cun le tema „da na pert”. Dai Grijuns röiel adalerch Arno Camenisch y Selma Mahlknecht. Deboriada dauriarái adöm cun Sonja Steger, esperta dla Val Venosta y dl Burggrafenamt, ai 7 de setëmber le Halbmittag 2019 dales 10 danmisdé inant. La moderaziun vëgn fata da Alma Vallazza.

La secunda matinée sará en sabeda, ai 21 de setëmber dales 10 danmisdé inant. Le moto é nord/desposiziun y cherda adalerch les auturies Elsbeth Wallnöfer y Greta Pichler y l'autur Leonhard F. Seidl. Jörg Zemmler se crüzia dla moderaziun.

Halbmittag se röia ai 5 d'otober cun stories dal ost. Al lí y cunta Robert Prosser, Helga Glantschnig y Gerd Sulzenbacher. La moderaziun sará de Martin Hanni. 

Le termin spezial ai 28 de setëmber se dá jö cun l'ediziun dada fora dan da püch dla revista de leteratöra de Graz – Lichtungen –, olache al é na pert sön le Südtirol curada da Tanja Raich y al vëgn presenté usc leterares nöies dla provinzia a süd dl Prener. Al evënt spezial moderé da Tanja Raich tolarál pert Gentiana Minga, Maria Oberrauch y Maria E. Brunner.

Dötes les matinées de "Halbmittag" metará man dales 10.00 tla curt de letöra dla biblioteca provinziala Dr. Friedrich Teßmann a Balsan (strada Armando Diaz 8)

Sce al é bur tëmp vëgn les manifestaziuns tignides te biblioteca.

USP

Galaria dales fotografies