Comunicac dl ofize stampa

Ediziun nöia dla revista “Aules” sëgn ince cun na pert culturala

Tla revista informativa “Aules” el da ciafé les notizies plü importantes fora dl monn dla scora y sëgn ince dla cultura ladina. L’ediziun nöia ciafun sëgn online.

Ediziun nöia dla revista Aules

Cun n design nü y cun n contegnü plü rich, sëgn ince cun na pert sura la cultura ladina, se presentëia l’ediziun nöia dla revista informativa ladina “Aules”. La publicaziun cun notizies sura le monn dla scora y dla cultura ladina é sëgn ma plü da ciafé te internet, sön la plata dla Intendënza y Cultura Ladina, che é ince süa edituria.

Na pert importanta de “Aules” é dedicada ala reorganisaziun dla Intendënza y Cultura Ladina, cun na lista de düc i contac plü importanc che an pó adoré. Al vëgn ince traté le tema di 70 agn dl model paritetich dles scores ladines. Tla revista el da lí do ince les parores dl assessur por la scora y cultura ladina Daniel Alfreider y dl’intendënta Edith Ploner. Fora de chësc vëgnel cunté les esperiënzes de laur dles praticantes y praticanc tl ciamp dla scora y dla cultura.

Chiló le link por desciarié la revista “Aules”: http://www.provinz.bz.it/formaziun-lingac/scora-ladina/la/publicaziuns.asp

 

 

USP

Galaria dales fotografies