Hauptinhalt
Comuns
Dovëis
Tla gasëta ofiziala dla Regiun Trentin-Südtirol nr. 36/I di 02.09.2008 él gnü publiché le Decret dl presidënt dla Junta Provinziala nr. 73/2.1 di 05.08.2008, cun chël che al é gnü fissé i 26 d’otober 2008 sciöche dé por desfiré fora les lîtes dl Consëi Provinzial che vëgn a se le dè en chësc ann.
Adöm cun chësc aràton che al vais debojëgn da recordè che la prozedöra por chëstes lîtes vëgn dant tla lege provinziala di 09.06.2008, nr. 3 y dala lege provinziala 14.03.2003, nr. 4 che fej referimënt tl caje de de plü passaji porater ala lege regionala bele conesciüda di 08.08.1983, nr. 7 cun mudaziuns y integraziuns suandëntes.
I singui dovëis aministratifs cun i terminns relatifs sciöche inãe i modì da d’adorè vëgn metü a desposiziun dal consorz di comuns tres na via telematica.
Jì sö ↑
Material che la Provinzia ti mët a desposiziun a vigni seziun
L’aministraziun provinziala ti mët a desposiziun a vigni seziun chësc material:
- trëi copies dl placat cun les listes di candidaã lassura; öna de chëstes mëss restè a desposiziun dl ofize lital y les atres mëss gnì tacades fora tl salf lital;
- döes copies dl placat cun lassura les desposiziuns prinzipales por les lîtes y de chël cun lassura les sanziuns penales plü importantes;
- na copia dles istruziuns por i ofizi de seziun cun les desposiziuns de lege lassura;
- zetoles litales;
- döes copies dla tabela dles usc;
- na copia dl protocol di laûrs litai;
- le register dles zetoles di litadus y dles litadësses;
- les listes injuntades por les seziuns di ospedai, dles sëntes speziales y di ofizi destacà;
- le timber sigilé;
- l’ater material d’ofize, sciöche ince la coperta por l’injop nr. 2 y la coperta che ti mëss gnì dada jö al comun.
Jì sö ↑