Tofla ufiziala
De dla scora ladina ai 30.08.23 a la Ila
Stimades insegnantes y stimá insegnanc, stimades educadësses,
i Ves inviëii de cör al De dla Scora Ladina.
Da n pez incá vëgnel lauré te nosta Intendënza sön le profil dla Intendënza ladina y i oresson dediché chësc De ala domanda, sciöche i orun svilupé deboriada la scolina y scora ladina dl dagní.
Ostes esperiënzes y Osc savëi sciöche insegnantes/insegnanc é essenziai por ciafé na resposta a chësta nosta domanda!
Le De se desfirará fora aladô dl format dla “Open Space Technology” y al gnará cherié na lerch por lauré te na manira dinamica, creativa y finalisada. I arëis la poscibilité da porté ite dejiders y idees y da Ves confronté cun coleghes y colegs y da svilupé deboriada propostes concretes. I resultac gnará spo integrá tl prozes de laur sön le profil dla Intendënza ladina.
I m’la conforti sön nosc confrunt deboriada y i speri da podëi Ves saludé a La Ila.
La Direturia
Edith Ploner
bf
