1. i mëmbri dl Govern y i comissars dl Govern por les Provinzies de Trënt y de Balsan;
2. i cuesturs de Trënt y de Balsan sciöche gnanca i funzionars dla segurëza publica che desfira fora sües funziuns tla Regiun;
3. i ombolć di comuns cun na popolaziun de plü de 20.000 abitanć;
4. i licars che à podëi iuridich tla Regiun, i mëmbri dl Consëi de Stat, i mëmbri di organns dla iurisdiziun aministrativa aladô dl articul 90 dl Statut spezial, sciöche gnanca i mëmbri dla Curt di Cunć y la seziun dla Curt instëssa che à süa sënta tla Regiun;
5. i generai, i amirai y i ofiziers dles Forzes armades dl Stat che comana sön le teritore dla Regiun;
6. i dependënć dla Regiun o dles Provinzies de Trënt o de Balsan che manajëia o che é a će de sorvisc o d’ofizi de chëstes aministraziuns, sciöche gnanca i secreters di comuns dles capitales;
7. i proi y i sorvidus de cult che laora y che se fistidiëia dles animes tl raiun dla Regiun y chi che ai rapresentëia regolarmënter.

La gauja por chëra che un ne po nia gnì lité preodüda dala lëtra c) ne vel nia sce l’interessè dà les demisciuns da sües funziuns – mo chësc nia do l’ultimo dé che al po gnì presentè les candidatöres.

Les gaujes por chëres che un ne po nia gnì lité preodüdes dales lëtres a), b), d), e), f) y g) ne vel nia sce l’interessè dà les demisciuns da sües funziuns, vëgn trasferì, se tira zoruch da süa inćiaria o damana de podëi jì en aspetanza nia do l’ultimo dé che al po gnì presentè les candidatöres.

L’aspetanza ti vëgn conzedüda por le tëmp danter la data che al vëgn azetè la candidatöra y le dé dles lîtes y vëgn regolada dai ordinamënć di ënć da chi che i interessà depënn

Sce al vëgn azetè de candidé mëssel te vigni caje gnì dè sö la inćiaria preodüda dala lëtra c).

Tl tëmp de cin’ dis dala domanda mëss l’aministraziun publica tó düć i provedimënć lià ales domandes de demisciun o de spostamënt en aspetanza, aladô di paragrafs secundo y terzo de chësc articul. Olache l’aministraziun ne le prevëiga nia à la domanda de demisciuns o d’aspetanza, sce al vëgn dè sö efetivamënter les funziuns, varënza dal cuinto dé do la presentaziun. Sot a „dè sö efetivamënter les funziuns“ capëscion che al vëgn lascè de fà vigni aziun liada ala inćiaria che un â.

Implü ne pol nia gnì lité:

1. chi che resultëia d’avëi cun la Regiun o cun les Provinzies, sciöche privać o rapresentanć legai de sozietês, contrać d’esecuziun de laûrs, conzesciuns o autorisaziuns aministratives de gran importanza economica che se damanes la oblianza de n ademplimënt particolar, la osservanza de normes generales o particolares por la sconanza d’interesc publics a chi che la conzesciun o l’autorisaziun é sotmetüda;
2. I rapresentanć legai, i aministradus o i direturs de dites o sozietês che à sciöche fin da ti fà davagné a porsones privates daidades tresfora dala Regiun o dales Provinzies da sovenziuns, garanzies de contribuć o de fić, sce chëstes sovenziuns ne vëgn nia partides fora sön la basa de na lege;
3. I rapresentać legai, i aministradus o direturs dles sozietês por aziuns cun n capital de maioranza dla Regiun o dles Provinzies autonomes;
4. I consulënć legai, aministratifs y tecnics che laora cun n contrat continuatif a bëgn dles porsones, dles sozietês y dles dites dades dant tles lëtres a), b) y c) de chësc paragraf.

Tla finada ne pol nia gnì lité

1. chi che n’à nia dè jö le cunt finanziar o d’aministraziun de na gestiun revardënta la Regiun o les Provinzies autonomes de Trënt y de Balsan;
2. chi che é gnüs detlarà responsabli ti confrunć dl ënt, dl istitut o dl’aziënda y n’à nia ćiamò paié jö le debit, sce ai é gnüs iudicà tl passè por fać che ai à complì canche ai ê aministradus o dependënć dla Regiun o dles Provinzies de Trënt y de Balsan, chël ô dì de n istitut o de na aziënda da chëra che ai depenô o da chëra che ai gnô controlà.

Cun la inćiaria d’Aconsiadù provinzial é incompatibles chëstes inćiaries:

1. de deputat o senatur;
2. de licar dla Curt Costituzionala;
3. di mëmbri di atri consëis regionai.
4. d’aconsiadù de n comun dla Regiun;
5. de Presidënt, d’Assessur o d’Aconsiadù de n comprenjore o de na comunité de valada o de Presidënt y de mëmber dl comitê de gestiun o dla Reuniun generala de na Unité sanitara locala.
6. implü n’é la inćiaria d’Aconsiadù provinzial nia compatibla cun la posiziun de dependënt dla Regiun o dles Provinzies autonomes de Trënt y de Balsan.
7. la inćiaria d’Aconsiadù provinzial n’é gnanca compatibla cun la posiziun de dependënt dl Stat y di atri ënć publics.
8. la inćiaria d’Aconsiadù provinzial ne po nia gnì tuta ite da chël che é lié te n prozès zivil o aministratif cun la Regiun o cun les Provinzies autonomes de Trënt o de Balsan. Le fat d’ester lià te n stritoz che à da nen fà cun les cutes ne porta nia a na incompatibilité.

Cun la inćiaria d’Aconsiadù provinzial é implü incompatibla la inćiaria:

1. 1. de n presidënt, de n mëmber dl Consëi d’aministraziun, de diretur general o de n diretur de ënć, istituć, assoziaziuns y sozietês sotmetüdes ala verda y al control dla Regiun o dles Provinzies autonomes;
2. 2. de presidënt, de mëmber dl consëi d’aministraziun, de diretur general o de diretur de ënć, istituć y sozietês a chi che la Regiun o les Provinzies autonomes ti dà regolarmënter aiüć, sovenziuns o contribuć;
3. 3. de presidënt, de mëmber dl consëi d’aministraziun, de diretur general o de na cassa o de sozietês por aziuns che ais sciöche fin primar chël de desfiré fora ativitês finanziares y che al ais porchël raporć cun la Regiun o cun les Provinzies autonomes;
4. 4. de presidënt, de mëmber dl Consëi d’aministraziun, de diretur general o de diretur de ënć, istituć, assoziaziuns y sozietês che eserzitëia belanfat ći sorvisc por cunt dla Regiun o dles Provinzies autonomes;
5. 5. de consulënt legal, aministratif y tecnich che fejes n laûr cun n contrat continuatif a bëgn de ënć, istituć, assoziaziuns y sozietês dà dant tles lëtres a), b), c) y d) de chësc paragraf;
6. 6. d’Aconsiadù provinzial che é tratan chësc mandat te na condiziun da ne podëi nia plü gnì lité preodüda da chësta lege

Les gaujes d’incompatibilité dades dant chilò dessura ne vëgn nia aplicades sce ara se trata de ënć, istituć, assoziaziuns y sozietês che à fins madër culturai, sportifs, sindacai, de cult o assistenziai sciöche gnanca sce ara se trata de cooperatives o de consorc de cooperatives scrić ite ti registri publics.

Les gaujes d’incompatibilité dades dant chilò dessura ne vëgn nia aplicades sce les porsones dades dant dà les demisciuns, chël ô dì canche:

1. a. i dependënć dla Regiun o dles Provinzies autonomes presënta la domanda de podëi jì en aspetanza zënza paiamënt, aladô di ordinamënć relatifs;
2. b. i dependënć dl Stat y de d’atri ënć publics y chi dà dant ti punć da 1 a 6 presënta la domanda de podëi jì en aspetanza zënza paiamënt, aladô dla lege di 12 de dezëmber dl 1966, nr. 1078, inće sce chësc se desfarenziëia dales desposiziuns contignüdes te d’atres leges regionales, o aladô dla lege di 20 de mà dl 1970, nr. 300.

Les normes dades dant te chësc paragraf vëgn inće aplicades por i Aconsiadus provinziai dla otava legislatöra, tan inant che chisc depënn da d’atri ënć publics sciöche la Regiun o les Provinzies autonomes de Trënt o de Balsan.

Les inćiaries y les funziuns che ti vëgn surandades ai Presidënć y ai Vizepresidënć dles Juntes regionales y provinziales, ai Assessurs regionai y provinziai, sciöche gnanca ai Aconsiadus regionai aladô de na norma de lege, statut o regolamënt, lié cun n mandat lital ne rapresentëia nia na gauja por ne podëi nia gnì lità o d’incompatibilité