|
 |
|
|
|
|
| |
|
|
 |
I simboi mëss
gnì dà jö dal secretêr regional
o provinzial dl partì o dl movimënt politich.
Sce n partì ne n’à nia n secretêr
politich, sce chësc n’é nia presënt
o sce al ne po nia le fà, él le presidënt
regional o provinzial instës o na porsona inćiariada
da chësc tres n mandat autentiché dal notar
che le fej.
Sce chisc organns (secretêr o presidënt)
ne n’é nia preodüs dai statuć
di partis o di movimënć politics, o sce
chisc n’é nia en ćiaria –
belanfat por ći gauja – él le diretur
regional o provinzial dl partì o dl movimënt
politich che po dè jö le simbol y che po
se surantó le mandat.
L’autorisaziun por la deponüda o
inće di mandać mëss gnì controlada::
- tl caje de na organisaziun nazionala, da na atestaziun
dl secretêr o dl presidënt nazional;
- tl caje de na organisaziun locala, dal estrat autentiché
dl protocol de designaziun.
|
 |
|
|
|
|
Le simbol mëss
gnì dè jö te trëi copies,
en blanch y fosch, sön na plata blanćia tl
format da protocol y stlüt ite te n cërtl de
10 cm de diameter.
Al ne vëgn nia azetè :
- simboi anfać o che ti somëia a chi che
é bele gnüs dà jö denant y
azetà, cun chi che al po gnì fat confujiun;
- simboi anfać o che ti somëia a chi che
reporta simboi adorà tradizionalmënter
da d’atri partis (ćiara por chësc
Cons. St., sez. V, 13 de mà 2003, n. 1869;
Cons. St., sez. V, 26 de merz 1999, n. 344; TAR Venet,
sez. I, 2 d’otober 1998, n. 1590);
- simboi che reporta sëgns o elemënć
tipics por simboi che po ti cherié confujiun
al litadù, porvia che ai vëgn adorà
tradizionalmënter da partis o movimënć
politics presënć tl Consëi regional;
- simboi che reporta figöres o sogeć de
natöra religiosa.
Sce al vëgn presentè de te’ simboi
ti podaràl gnì conzedü a chël
che i dà jö le tëmp de 24 ores por
presentè n ater simbol. |
|
|
|
|
|
Adöm cun la deponüda
dl simbol mëss i partis o i movimënć
politics organisà inće nominé n
rapresentant efetif y n rapresentant suplënt,
cun la inćiaria de presentè les listes
di candidać y sü documënć.
Sciöche desmostraziun che al é gnü
dè jö i simboi ti vëgnel dè
derevers a chël che i presënta na copia dl
simbol cun la data iadedô.
I simboi gnarà spo reportà sön le
placat cun i simboi lassura che gnarà spo tachè
fora dai comuns ti posć publics, dl ia y ca,
aladô dl ordinn dè dant dala niza. A chësta
trata ala niza, che vëgn fata tla repartiziun provinziala
di sorvisc zentrai, palaz I dla Provinzia, pol tó
pert, sce ai se le damana, i rapresentanć di
partis o di movimënć politics che à
dè jö so simbol. |
 |
 |
|
|
|
|
|
|
