WAP

Rëi Zivica söl telefonin zelular

Handy

Cherdé sö comunicaziuns stampa y informaziuns porsura le tëmp y le trafich tres WAP.

Zacotan de sorvisc importanc dla Rëi Zivica vëgn ofris ince tres WAP: comunicaziuns stampa, informaziuns porsura le tëmp, le trafich y le prigo da lovines. Ci val pa d'öga?

Dede ite te Osc telefonin abilité a wap la misciun http://wap.provinz.bz.it y I sëis bele laite. (WAP ó dí wireless application protocol)

Chësc sorvisc che vëgn pité in colauraziun cun l'Ofize Idrografich dl'aministraziun provinziala, la Zentrala dl trafich y l'Ofize stampa, é gnü studié fora dala Südtiroler Informatik. Les informaziuns porsura le tëmp vëgn atualisades dal Ofize Idrografich danter les 7.30 y les 11 Uhr, les informaziuns porsura le trafich tresfora dala Zentrala dl trafich.

L'ediziun dl report dl prigo da lovines vëgn fata tratan l'invern regolarmënter de lönesc, de mercui y de vëindres. Sc'al ess da antergnì de gran mudaziuns, spo vëgnel dè inant le report plü nü.

La gran sauridanza dles informaziuns söl telefonin zelular é dandadöt chëra che an po tresfora cherdè sö informaziuns, anfat olache an é: söl iade t'auto o canche an é sö por i crëps o te na ütia da munt: dlunch ciafëise les informaziuns.

Sce I ne ëis nia ciamò en telefonin wap, spo podëise bele sëgn porvé fora le sorvisc sciöche anuzadú de internet tres en emuladú. Buna aurela cörta!

Por schivé spëises in plü che ne mëss nia ester, recordedeves canche I cherdëis sö les informaziuns de le fà tres le sorvisc wap de Osc oferënt telefonich che mët dagnora a desposiziun numeres speziales por i sorvisc WAP.

Por ci che reverda informaziuns menüdes porsura la configuraziun de Osc telefonin, dedi na odlada ales plates WAP de Osc oferënt telefonich.

Sît web cun splianzes por la configuraziun de Osc telefonin Wap